Irinej kundërshton Vucic’in për Kosovën: Çka falet më s’kthehet

Presidenti i Serbisë, Aleksandar Vucic, i zënë ngushtë nga kushtet e BE’së për integrim, që lidhen me Kosovën, ka reflektuar për herë të parë, duke thënë se serbët duhet të pranojnë realitetin e ri në Kosovë, dhe të mos pretendojnë se mund ta kthejnë atë. 

Por, presidentit të Serbisë, i ka dalë menjëherë kundër, patriaku serb Irinej, i cili ka thënë se çka dhurohet, humbet përgjithmonë, dhe sipas tij, Kosova nuk guxon të dhurohet.

Patriarku serb Irinej, me rastin e thirrjes së presidentit serb, Aleksandar Vucic për dialog të brendshëm për Kosovën, ka thënë se “Kosova nuk guxon as të tjetërsohet e as të dhurohet”.

“U bëjmë apel liderëve tanë shtetërorë që nuk guxojnë të japin pëlqimin e tyre për tjetërsim të Kosovës, sepse ajo që merret me dhunë, edhe kthehet, ajo që i dhurohet dikujt, ajo është e humbur përgjithmonë, dhe këtë serbët dhe Serbia nuk guxon ta lejojë të ndodhë”, ka thënë Irinej për televizionin publik serb.

LEXO EDHE: Ambasadori amerikan: Do të befasohesha nëse njohja e Kosovës është kusht për Serbinë në BE.  /gazetametro.net