Loading…

Isa Mustafa: Nuk më mungon politika, kam pasë nevojë për pushim

  • 10/11/2021 | 18:10

Isa Mustafa: Nuk më mungon politika, kam pasë nevojë për pushim

Ish-kryeministri dhe ish-kryetari i LDK-së, Isa Mustafa, ka thënë se është mirë me shëndet dhe çdo ditë po bëhet edhe më mirë.

Ai deklaroi se nuk i mungon aspak politika dhe se ka pasë nevojë për pushim.

“T’iu them të drejtën jo, por po mundohem ta përcjell për aq sa kam kohë. Nuk më mungon angazhimi im, megjithatë shoh se kam pasë nevojë të pushoj dhe të largohem nga përgjegjësitë e drejtpërdrejta në politikë, sepse kur je aty nuk mund të qëndrosh dhe të mos marrësh përgjegjësi, të mos reagosh e mos ta ndjesh peshën publike të çdo gjëje që ndodh në këtë vend. Tani është një pozitë krejt tjetër, e sheh prej një këndi tjetër atë që ndodh dhe nuk e sheh vetëm nga aspekti se si dëshiron ti ta shohësh në pikëpamje të subjektit politik në krye të cilit kam qenë. Mundohem t’i shoh të gjithë nga një horizont i njëjtë”.

Ai ka treguar edhe se si është një ditë e tij pa angazhime politike, derisa thotë se ka kontakte me shumicën nga kolegët në LDK.

“Angazhohem në shkrime dhe lexime, kryesisht të literaturës profesionale. Dal në akademi (ASHAK) gjatë javës disa herë, qoftë në takimet që i kemi në seksionin e shkencave shoqërore ose për punë në kabinet”, tha ai për KlanKosova.

“Kam kontakte me shumicën e njerëzve me të cilët kam punuar në LDK. Kryesisht janë takime dhe biseda jashtë politikës dhe detyrave ditore që ata tani kanë. Kam kontakte gati me të gjithë”.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë