Ish-anëtari i VV’së akuzon Shpendin se derdhi lot për propagandë

Ish-anëtari i Vetëvendosjes tani koordinator i PDK-së në Pejë, Arton Muhaxheri ka kritikuar kryetarin e Prishtinës, Shpend Ahmeti për mos kujdesin ndaj familjes së fëmijëve që u mbytën në gropën e lagjes Kolovica.

Përmes një postimi në Facebook, ai ka thënë se Prishtina nuk meriton një kryetar si Ahmeti pasi është një gënjeshtar ordiner.

“Shpend për njëri tjetër të kam njohur. Kam besuar në sinqeritetin tënd kam besuar edhe në lotët e tu që t’i do të ju qëndroje pranë familjes që humbi dy fëmijë për shkak të papërgjegjshmërisë tuaj”, ka thënë Muhaxheri.

Ai ka shtuar se ndonëse ju premtua, familja nuk mori kujdesin.

“Kaluan sa muaj dhe familja nuk mori kujdesin e tuaj ndonëse e kishit premtuar edhe publikisht”, ka shtuar ai.

Ndryshe, në lagjen Kolovica të Prishtinës, në qershor të vitit të kaluar kanë humbur jetën dy fëmijë, pasi kanë rënë në një gropë e cila ishte hapur për punime./gazetametro.net