Loading…

Ish-deputeti i AAK’së i del në mbrojte Gërvallës: Thotë të mos shqetësohet Kurti pa i bërë 100 ditë

  • 06/05/2021 | 23:41

Ish-deputeti i AAK’së i del në mbrojte Gërvallës: Thotë të mos shqetësohet Kurti pa i bërë 100 ditë

Ish-deputeti Gani Dreshaj ka komentuar përplasjet e sotme në Kuvendin e Kosovës. Ai ka dalë në mbrojtje të Ministres së Jashtme të Kosovës, Donika Gërvalla, ndërkohë që edhe ka kërkuar që Qeveria Kurti të lihet e qetë në punën e saj në 100 ditët e para.


Ai ka kerkuar që të ndalohet lufta mes pozitës dhe opozitës dhe të fokusohet në luftimin e pandemisë.

Dreshaj, që jeton dhe vepron në Gjermani, ka numëruar ngjarjet e sotme në pesë pika.

“Së pari, skenat e sotme në parlament janë të shëmtuara dhe të panevojshme. Së dyti, sulmet dhe ofendimet ndaj Donika Gërvallës janë të ulta dhe të paparanueshme fillimisht si grua, e më pas si përfaqësuese e jona. Së treti, lufta e jonë e përbashkët duhet të jetë pandemia, vaksinimi dhe lufta ndaj krizës ekonomike, e jo lufta politike pozitë-opozitë. Së katërti, sot janë bërë 45 ditë të Qeverisë Kurti. Prisni 100 ditë, prisni edhe pak dhe të japim një gjykim e vlerësim të përbashkët. Më pas, shohim e bëjmë”, ka thënë ai.

“Së pesti, të gjithë ne në politikë në të kaluarën kemi bërë deklarata të ngutura e nganjëherë të pamatura. Shpesh nga ndikimet e fushatave elektorale, e nganjëherë nga emocionet e momentit. Të rëndësishme janë qëndrimet e të tashmes dhe të ardhmes, andaj besoj në qëndrimet konstruktive dhe kombëtare të zonjës Gërvalla tani si ministre.”, ka shtuar Dreshaj.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë