Loading…

Ish-lojtari i klubit katalunas: Messi i fsheh problemet e Barcelonës

  • 14/02/2020 | 12:39

Ish-lojtari i klubit katalunas: Messi i fsheh problemet e Barcelonës

Ish-sulmuesi brazilian i Barcelonës, Malcom, beson se Lionel Messi i fsheh problemet e klubit katalonas, megjithatë insiston se argjentinasi nuk është i vetmi në Camp Nou që sigurohet që klubi të mbetet “i madh” edhe në kohët e vështira.

Gjigantja e La Ligës është duke kaluar nëpër një periudhë të vështirë për momentin, pasi që sezoni 2019/20 nuk i ka shkuar deri më tani ashtu siç ishte planifikuar, transmeton Gazeta Express.

Barcelona reagoi ndaj kësaj situate duke e ndërruar trajnerin – e shkarkoi Ernesto Valverden, që e fitoi dy herë radhazi titullin e La Ligës, për ta sjellë Quique Setien. Ndërkohë, Real Madridi ua ka marrë katalonasve vendin në krye të tabelës së ligës elitare të futbollit spanjoll.

Pak pas shkarkimit të Valverdes, Messi dhe e ardhmja e tij u vunë në qendër të vëmendjes shkaku i zënkës publike të yllit argjentinas me drejtorin sportiv të Barcelonës, Eric Abidalin.

Abidal kishte sugjeruar se disa lojtari nuk kishin punuar mjaftueshëm para shkarkimit të Ernesto Valverdes në janar, Messi ia ktheu kritikën me kritika, duke rritur dyshimet për të ardhmen e tij në Camp Nou.

Megjithatë, Malcom, i cili u largua nga Barcelona gjatë verës së vitit 2019 dhe u transferua në Zenit, beson se prezenca e Messit në skuadër i ndihmon Barcelonës t’i fshehë problemet.

“A i ndihmon Messit Barcelonës t’i fshehë problemet? Por, disa prej tyre. Por, bashkë me Leon janë edhe Luis Suarez, Antoine Griezmann, Ivan Rakitic, Frenkie De Jong, Arthur Melo, Arturo Vidal.. shumë lojtarë të tjerë. Nuk është vetëm Leo, por është i gjithë grupi”, ka thënë Malcom.

“Leo është lojtari më i mirë në botë. Nganjëherë ai bën gjëra të çmendura dhe i ndihmon shumë Barcelonës. Për këtë arsye kur njerëzit flasin për Barcelonës, ata flasin për Leon. Është normal kur i merr parasysh të gjitha gjërat që ai i bën”.

“Barcelona ka lojtarë të mrekullueshëm. Ata mund të jenë të qetë sepse kushdo që luan është lojtar i mirë dhe aty ka vetëm lojtarë të mrekullueshëm. Në Barcelonë, lojtarët shkojnë e vijnë, por Barcelona nuk ndryshon sepse sistemi është i njëjtë. Barcelona do të jetë gjithnjë klub i madh”.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë