Loading…

Ish-luftëtari i UÇK’së: Nuk shkoj në Hagë, të dënojnë një herë kriminelët që më vranë të afërmit

  • 25/02/2020 | 22:42

Ish-luftëtari i UÇK’së: Nuk shkoj në Hagë, të dënojnë një herë kriminelët që më vranë të afërmit

Faik Zogaj është ish-luftëtari i radhës i UÇK-së, i ftuar nga Zyra e Prokurorit të Specializuar, në Hagë.

Lajmin e bëri të ditur ai vetë përmes një postimi në Facebook, se sqaronte se i ka mbërritur ftesa e të akuzuarit për datën 21 mars, por ai nuk do t’i përgjigjet.

“Të nderuar familjarë, miq dhe shokë. Dua t’iu informoj se më mbërriti një ftesë në cilësinë e të akuzuarit nga Gjykata Speciale në Hagë, të cilës nuk do i përgjigjem në 21.03.2020. Sepse, unë personalisht nuk e njoh këtë Gjykatë derisa ajo t’i dënojë kriminelët që m’i vranë njerëzit e dashur brenda në shtëpi”, ka shkruar Zogaj.

Ai shtoi se është krenar për të shkuarën dhe se këtë lavdi, nuk mund t’ia njollosë askush.

“Në tërë jetën, asnjëherë nuk jam ndjerë më i nderuar dhe më i respektuar se sa kur isha pjesë e UÇK-së! Asnjë germë nuk i heq të kaluarës sime në të gjitha periudhat e veprimtarisë që kam pasur! Lavdi Dëshmorëve të Ushtrisë Çlirimtare të Kosovës!”, ka shkruar Zogaj.

Një ditë më parë, siç thotë shtypi vendas, edhe Fatmir Brajshori, njoftoi se nuk do t’i përgjigjet ftesës për të shkuar në Hagë.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë