Ish-ministri i Jashtëm thotë se heqja e vizave është kufizuar me pranimin e planit franko-gjerman

Ish-kryediplomati i Kosovës, Petrit Selimi po pretendon se disa procese të rëndësishme për vendin janë kushtëzuar me pranimin e planit franko-gjerman për normalizimin e raporteve mes Kosovës dhe Serbisë, shkruan Gazeta Metro.

Me anë të një postimi në Twitter, Selimi ka thënë se anëtarësimi në NATO, Këshillin e Evropës e madje edhe liberalizimin e vizave janë kushtëzuar me pranimin e planit franko-gjerman.

Ai thotë se ky plan nënkupton që Kosova ta krijojë Asociacionin, teksa Serbia të pranojë disa nga elementet e shtetësisë së Kosovës.

“E padrejtë, por anëtarësimi i Kosovës në NATO, Këshill të Evropës e madje edhe liberalizimi i vizave janë kushtëzuar me pranimin e planit franko-gjerman. Kjo marrëveshje nënkupton që Serbia të njoh pasaportat, simbolet dhe kufijtë e Kosovës. Gjithashtu, nënkupton që Kosova të krijojë një Asociacion”, shkruan Selimi.

Unfair or not, but Kosovo’s membership to @NATO, Council of Europe & even visa liberalization are conditioned with acceptance of joint 🇫🇷 🇩🇪 🇪🇺 🇺🇸 plan. This deal would mean Serbia recognizes Kosovo’s passports, symbols, borders. Also means Kosovo creates an association.

— Petrit Selimi (@Petrit) February 3, 2023