Isufi thotë se Kryeprokurori u vjedh nga brenda

Ky shtet ka devalvuar, ngase vetëm këtu ndodh  me u vjedh Kryeprokurori me shtëpinë  plotë policë, mu bë vjedhje përbrenda vetëm me humb gjurmë, sikur ka ndodhur edhe me dhomën e dëshmive, dhe  vdes njeriu në burg, dhe shpallet  i vetëvrarë ende pa përfunduar hetimet.

Kështu u shprehë nënkryetari i AAK-së, Ahmet Isufi në  Rrokum Roll në Televizionin Rrokum.

Isufi pohoi se  këto vjedhje e këto ndodhi janë si në filma aksion, kjo ngase janë te lidhur me mafien e shtetit.

Isufi foli edhe për demarkacionin, ku tha se është e çuditshme se si kryeministri këmbëngul edhe pse e din se nuk i ka votat për këtë, dhe kthimi i tij, sipas tij, vetëm ka mi prolonguar proceset.

Ai tha se komisioni për Demarkacionin do të shkarkohet dhe do të kthehet në  piken zero.

Isufi shtoi se Demarkacioni është  prodhim i gjithë gabimeve të bëra nga kjo qeveri deri tash, duke thënë se kjo po  i paraqet pengesa vetvetes, qytetarëve madje edhe raportet me ndërkombëtaret.

Isufi tha se Raporti i Progresit është  raporti më i keq që sivjet i është bërë  Kosovës.

Ai u  shprehë se  koalicioni bën bisedime me Listën Serbe vetëm nëse kane interesa të veta, ngase sipas tij, ata pa llogari nuk veprojnë ngase janë të lidhur me Beogradin.

Nënkryetari i AAK’s , u shprehë se liberalizimin e  vizave vendi  është dashur t’a marr  që 17 vjet, por me këta njerëz, sipas tij,  nuk ka liberalizim, ngase ata po ja vështirësojnë jetën qytetareve gjithnjë e më shumë.

Ai ka thane se nëse nesër vjen Projektligji për Ushtrinë, ata janë të gatshëm, për ta votuar  por edhe në këtë rast, Isufi ka thane se kjo Qeveri nuk është e interesuar  me votu për këtë çështje.