Loading…

Italia fiton dhe mban hapin me liderët e grupit, Anglia bie nga Liga A

  • 23/09/2022 | 23:04

Italia fiton dhe mban hapin me liderët e grupit, Anglia bie nga Liga A

Italia ka shënuar fitore ndaj Anglisë dhe tani mban gjallë shpresat për të rrëmbyer pozitën e parë në Grupin 3 të Ligës A në Ligën e Kombeve.


Të përzgjedhurit e Roberto Mancinit shënuan fitore minimale ndaj “Tre Luanëve”.

Ndeshja e zhvilluar sonte në “San Siro” përfundoi me rezultatin 1:0.

Golin e vetëm dhe të fitores për kampionët e Evropës e shënoi Giacomo Raspadori, në minutën e 68-të.

Italia pas kësaj fitore ka 8 pikë dhe renditet e dyta në grup, me vetëm dy pikë më pak se liderët, Hungaria.

Ndeshja e fundit në fazën e grupeve, Hungari – Itali, që do të zhvillohet pas tri ditësh, do të jetë edhe përcaktuese për pozitën e parë.

Kurse, Anglia mbetet e fundit në grup me vetëm 2 pikë, katër më pak se Gjermania që është e treta.

Kësisoj, anglezët si të fundit në grup, në sezonin e ardhshëm do të bëjnë gara në Ligën B.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë