Ivanovi anti-shqiptar, nderohet me çmim special nga Rusia

Presidenti i Maqedonisë, George Ivanov, i cili nuk po i bindet BE’së dhe Amerikës, për t’i dhënë dritë të gjelbër koalicionit të partive politike shqiptare me partinë e Zoran Zaevit, është nderuar me një çmim të rëndësishëm në Rusi.

Patriaku rus, e ka nderuar Ivanovin me çmimin “Shenjtëria e Tij Patriarku i Moskës dhe gjithë Rusisë Aleksi II” për vitin 2016. Ky çmim do t’i ndahet Ivanovit më 23 maj në një ceremoni në Moskë patriarku i Kishës Ortodokse Ruse, Cyril, përcjellë gazetametro.net.

Aty thuhet se ky çmim prestigjioz ndërkombëtar që i është dhënë presidentit Ivanov është njohje e përpjekjeve të tij në forcimin e lidhjes në mes të ortodokësve, rolin e fesë në shoqëri dhe krijimin apo forcimin e parimeve të tolerancës fetare.

Maqedonia e qeverisur deri në zgjedhjet e fundit nga VMRO-DPMN, e Gruevskit, dhe e presidentit Ivanov, kanë treguar afërsi me Moskën, duke i kthyer shpinën BE’së dhe Shteteve të Bashkuara të Amerikës, sidomos pas pranimit nga LSDM e Zoran Zaevit, që gjuha shqipe të jetë gjuhë e zyrtare e barabartë me atë maqedonase. /gazetametro.net