Loading…

Ivanoviq pret shfajësimin e tij

  • 26/01/2017 | 13:03

Ivanoviq pret shfajësimin e tij

Udhëheqësi i iniciativës qytetares serbe SDP,  Oliver Ivanoviq, ka thënë se  beson që Gjykata e Apelit në  Prishtinë nesër do ta sjellë “vendimin  e drejtë” për lirimin e tij.


Ai këtë e ka bërë të ditur në një intervistë për gazetën serbe “Politika”.

“Shën Sava mund të jetë një ditë e madhe për t’i dhënë fund torturës time, por unë nuk jam i sigurt se do të ndodhë me të vërtetë. Unë kam mësuar të pres dhe të jem i durueshëm “, ka thënë Ivanoviq ndër tjerash, transmeton gazetametro.net.

Tutje, sipas tij, gjykata shpesh prish afate për marrjen e vendimeve, me arsyetimin se rasti ishte “i rëndë dhe i komplikuar.”

I pyetur nëse kishte frikë se vendimi i  Apelit mund të jetë ndryshe nga ajo liruese  ai u shpreh se nuk ka dyshim në ndershmërinë dhe profesionalizmin e gjyqtarëve të EULEX-it, si dhe gjyqtarit të  tretë i cili është shqiptar.

Ndryshe, politikani serb akuzohet për vrasjet e shqiptarëve në prill të vitit 1999 në jug të Mitrovicës, si dhe  për vrasje të shqiptarëve në shkurt të vitit 2000 në veri. /gazetametro.net.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë