Jablanovic nuk mund ta regjistroj partinë “Lista serbe”

Anëtari i Komisionit Qendror Zgjedhor të Kosovës (KQZ) Nenad Rikalo ka deklaruar për mediet serbe se KQZ në takimin e sotëm e ka regjistruar partinë politike “Iniciativa Qytetare Lista Serbe”, nën udhëheqjen e Slavko Simiq’it.

“Me këtë ka përfunduar kriza dhe janë eliminuar paqartësitë rreth funksionimit të këtij subjekti politik. Veprimi politik i këtij subjekti i cili i mbledh serbët e Kosovës, tani do të jetë më i qartë”, ka deklarua për Beta Rikalo.

Ai ka shtuar se partisë tjetër politike, të cilën e përfaqëson Aleksandar Jablanovic nuk i është mundësuar të regjistrohet si subjekt politik dhe se nuk do të mund të përdorë emrin e njëjtë apo të ngjashëm me “Lista Serbe”.

Rikalo thotë se Jablanovic ka marrë afat prej 24 orësh që të kryej ndërrimin nëse dëshiron që të vazhdojë procesin e regjistrimit të partisë politike. /gazetametro.net