Loading…

‘Jam shumë i lumtur që jam këtu’: Ja detajet e marrëveshjes mes Chelseat dhe Inter për Lukakun

  • 29/06/2022 | 08:23

‘Jam shumë i lumtur që jam këtu’: Ja detajet e marrëveshjes mes Chelseat dhe Inter për Lukakun

Sulmuesi i Chelseat, Romelu Lukaku, ka mbërritur në Milano dhe gjatë ditës së sotme pritet të zyrtarizohet si lojtari më i ri i Inter, transmeton Gazeta Metro.


Rreth orës 6:30 të mëngjesit thuhet se sulmuesi belg ka zbarkuar në aeroportin e Milanos dhe pas testeve mjekësore, me gjasë do të bëhet edhe zyrtarizimi i tij.

Fjalët e tij të para pas rikthimit tek ‘Nerazzurrët’ ishin: ”Jam shumë i lumtur që jam këtu.”

Së bashku me Lukakun është edhe agjenti i tij, i cili do të përfundojë edhe detajet përfundimtare me drejtuesit e Inter, ndërsa marrëveshja me Chelsean ka përfunduar.

Skuadra e drejtuar nga Simone Inzaghi do të jetë ajo e cila do të mbulojë pagën e sulmuesit, ndërsa do të detyrohen të paguajnë në drejtim të Chelseat edhe 8 milionë euro plus shtesa.

‘Blutë e Londrës’ vitin e kaluar kishin paguar 113 milionë euro për të siguruar shërbimet e Lukakut dhe tani ai rikthehet vetëm pas një sezoni në Serie A, pasi nuk kishte treguar aftësitë e tij në Premier League. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë