Jashari kërkon ndryshimin e mënyrës së shpërndarjes së librave

Deputetja nga radhët e PDK-së, Sala Jashari, i është drejtuar Ministrisë së Arsimit me kërkesë që të ndërpritet mënyra e shpërndarjes së librave, siç po bëhet viteve të fundit, përcjell Gazeta Metro.

Jashari ka theksuar se fëmijët nuk mund të presin dhe as të humbin kohë të çmuar mësimore për shkak të vendimeve dhe procedurave administrative.

“Do të jemi dëshmitarë të zgjatjes së mungesës së librave në shkolla, ndërkohë që nxënësit kanë nevojë për kujdes, mbështetje dhe kushte për të mësuar. Mos ua merrni fëmijëve kohën e çmuar. Arsimi nuk pret!”, ka shkruar ajo.