Jasir Asani lajmërohet nga Teherani gjatë bombardimeve

Sulmuesi i Kombëtares shqiptare, Jasir Asani, ndodhej në Teheran në momentin e bombardimeve të SHBA-së dhe Izraelit ndaj Iranit.

Futbollisti, i cili aktivizohet me klubin iranian Esteghlal F.C., ka reaguar përmes rrjeteve sociale për të qetësuar ndjekësit.

“Asani” bëri të ditur se është në gjendje të mirë shëndetësore dhe shprehu shpresën që situata të stabilizohet sa më shpejt.

“Përshëndetje të gjithëve! Jam mirë dhe shpresoj që edhe ju të jeni mirë, të sigurt dhe të lumtur në vendin tuaj të bukur. Shpresoj që shpejt gjithçka të kthehet në normalitet dhe të ketë paqe për të gjithë”, shkroi ai në Instagram.