Loading…

Jo më në spitale, pacientët iu drejtohen barnatoreve për insulina

  • 05/05/2018 | 10:00

Jo më në spitale, pacientët iu drejtohen barnatoreve për insulina

Dhjetëra qytetarë të Prishtinës që në orët e hershme të mëngjesit ishin nisur për në qendrat mjekësore familjare në Prishtinë për të marrë insulina. Kishte shumë prej tyre që tashmë dy muaj nuk kishin marrë medikamentin jetik për sëmundjen e diabetit. Edhe pse Ministria e Shëndetësisë kishte shpërndarë insulina, ato edhe kësaj radhe janë të kufizuara dhe nuk përmbushin kërkesat e të gjithë pacientëve që kanë nevojë për to.


T.B., rreth të 50-tave, po priste me librezë në dorë në Qendrën Kryesore të Mjekësisë Familjare në Prishtinë që të merrte një insulinë, të cilën, siç ka treguar ajo, nuk ka mundur ta marrë qe dy muaj. Ajo ka rrëfyer për “Zërin” se vazhdimisht ka mungesa të këtij medikamenti, andaj edhe është e detyruar që vetë ta blejë atë në barnatore me çmim 10 euro.

“Kam dëgjuar se kanë sjellë insulina dhe erdha të marr. Qe dy muaj nuk kam marrë. Po ka mungesa të insulinës dhe po më duhet të dal dhe t’i blej vetë në barnatore.

I kam blerë disa herë dhe më kanë kushtuar 10 euro”, ka thënë ajo. Hallin e njëjtë me të po e ndajnë edhe shumë pacientë të tjerë, të cilët me libreza në dorë po prisnin në radhë për të marrë insulina. “Mos pritni shumë, sepse paska prapë mungesa të insulinave”, u shpreh njëra nga pacientet sapo doli nga dera e barnatores së Qendrës së Mjekësisë Kryesore Familjare në Prishtinë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë