Loading…

Jo sanksioneve Rusisë, nis ndëshkimi: Holanda miraton mocionin që BE të pezullojë anëtarësimin e Serbisë, dhe t’u kthehen vizat

  • 08/12/2022 | 21:52

Jo sanksioneve Rusisë, nis ndëshkimi: Holanda miraton mocionin që BE të pezullojë anëtarësimin e Serbisë, dhe t’u kthehen vizat

Ky mocion ka marrë mbështetje nga dy krahët parlamentar përfshi edhe koalicionin qeverisës që do të thotë që qeveria e Holandës do të dërgojë kërkesë Komisionit Evropian për këto masa ndaj Serbisë, transmeton Gazeta Metro.


Disa mocione janë dorëzuar në parlamentin holandez për masa ndaj Serbisë përfshi edhe pezullimin e regjimit të liberalizmit të vizave për këtë shtet.

Mocioni i propozuar përfshinte që Komisioni Evropian të propozojë një mekanizëm kushtëzimit negativ që pastaj do të shfrytëzohej për ngrirjes së negociatave për procesin e anëtarësimit të Serbisë në BE.


Ministri i Punëve të Jashtme të Holandës, Wopke Hoekstra, ka kërkuar nga deputetët të shtyjnë mocionin për pezullimin e regjimit të liberalizmit të vizave për Serbinë pasi që qeveria holandeze tashmë po përgatitë një raport pikërisht për këtë çështje me gjithë vendimin. Shqyrtimi për këtë çështje do të duhej të sillej në parlament para pushimit të krishtlindjeve shpjegoi ministri.

Kryediplomati holandez Hoekstra ka shprehur poashtu mbështetjen për liberalizimin e vizave për Kosovën, duke e vlerësuar një prej dilemave më të lehta në rajon, posaçërisht nëse krahasohet me situatën në Bosnje e Hercegovinë.

Serbia në samitin e fundit të BE-Ballkani Perëndimor kishte refuzuar definitvisht të përshtaste politikën e saj të jashtme dhe të sigurisë me Bashkimin Evropian, siç pritet nga një partner evropian dhe shtet kandidat. Çështja kyçe ishte vendosja e sanksioneve ndaj Rusisë, që ishte refuzuar kategorikisht nga presidenti serb Aleksandar Vucic. Në deklaratën e përbashkët ishte theksuar kjo çështje./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë