Loading…

Juventusi dhe Roma pezullojnë shitjen e biletave për tri ndeshjet e radhës

  • 30/12/2021 | 13:11

Juventusi dhe Roma pezullojnë shitjen e biletave për tri ndeshjet e radhës

Roma dhe Juventusi kanë pezulluar shitjet e biletave për tre ndeshjet e ardhshme në shtëpi, pas kufizimeve për praninë e tifozëve brenda stadiumeve.


Stadiumet në Serinë A do të kthehen në kapacitetin 50% nga janari, me Qeverinë italiane që do të marrë masa pasi pothuajse 100,000 teste të reja pozitive u konfirmuan të mërkurën.

“Klubi dëshiron të informojë tifozët se derisa po pret detaje të mëtejshme mbi vendimin për të reduktuar kufizimet e stadiumeve në Itali në vetëm 50% të kapacitetit, shitja e biletave për ndeshjet kundër Juventusit, Cagliarit dhe Lecce-s janë pezulluar”, thuhet në deklaratën e lëshuar nga skuadra e Romës.

“Informacione të mëtejshme dhe përditësime mbi procedurat e hyrjes për ndeshjet e ardhshme në “Stadio Olimpico” do të publikohen në ditët në vijim”, thuhet më tutje në deklaratë.

Roma rikthehet në fushë më 6 janar në “San Siro” kundër Milanit. Pastaj i zhvillon tri ndeshje në shtëpi: kundër Juventusit dhe Cagliarit në Serie A dhe Lecce në Kupën e Italisë.

Juventusi gjithashtu ka pezulluar shitjet e biletave për tre ndeshjet e ardhshme në shtëpi kundër Napolit dhe Udineses në Serie A dhe Sampdorias në Kupën e Italisë..

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
mark[email protected]
Adresa: Rr. Tringë Smajli, Nr. 16
Prishtinë 10000
Kosovë