‘Ka Asociacion’, Thaçi: Prej sonte kjo qeveri më nuk ka legjitimitet të qeverisë me vendin

Pas deklaratës së kryeministrit se ka Asociacion në marrëveshje, ka reaguar edhe analisti Jusuf Thaçi, i cili ka thënë se qeveria nuk ka më legjitimitet të qeverisë me vendin, shkruan Gazeta Metro.

Thaçi tha, se duke u bazuar në atë se çfarë tha kryeministri në RTK, nga kjo ditë qeveria më nuk ka legjitimitet të qeverisë me vendin

Ai tutje tha se “Zajednica” nuk mund të bëhet kurrë e pranueshme dhe se shpresat për “të bërë eskivazha” gjatë zbatimit të saj janë të kota.

Postimi i plotë:

Bazuar në atë që deklaroi sonte kryeministri Kurti në RTK në lidhje me Zajdenicën/Asociacionin, që prej sonte kjo qeveri më nuk ka legjitimitet të qeverisë me vendin, sepse nuk përfaqëson më atë që e ka proklamuar në zgjedhje (edhe para zgjedhjeve) në lidhje me Zajdenicën, bile tashmë përfaqëson të kundërtën e asaj që ka premtuar në zgjedhje.
Relativizimet janë të kota, Zajdenica është Zajdenicë, nuk mund të bëhet kurrë as e mirë e as e pranueshme.
Shpresat për të bërë eskivazha gjatë zbatimit të Zajdenicës janë të kota./gazetametro.net