Kallas: BE ndaloi anijen e gjashtë të ‘flotës në hije’ të Rusisë

Forcat e BE-së e kanë ndaluar në Mesdhe një cisternë nafte, MV SUN, që dyshohet se është pjesë e “flotës në hije” të Rusisë, transmeton Gazeta Metro.

Lajmin e ka bërë të ditur shefja e Politikës së Jashtme të BE-së, Kaja Kallas, e cila tha se anija është marrë në bord më 30 gusht për t’ia verifikuar flamurin.

“Shitjet e paligjshme të naftës nga anijet e flotës në hije janë një litar shpëtimi kritik për luftën e Rusisë në Ukrainë dhe ne do të vazhdojmë t’i ndërpresim ato”, tha Kallas.

Ajo tha se kjo është anija e gjashtë e dyshuar e kësaj flote që është ndaluar nga operacionet e BE-së në muajt e fundit.

Sipas Kallas, MV SUN dyshohet se po lundronte me flamur të rremë dhe në kundërshtim me ligjin ndërkombëtar detar./gazetametro.net

Illegal oil sales from shadow fleet ships are a critical lifeline for Russia’s war in Ukraine, and we’ll continue to cut them off.

The oil tanker MV SUN, suspected of sailing under false flag in breach of international maritime law, was boarded on 30 August in the Mediterranean… pic.twitter.com/6HNcOYNcdh

— Kaja Kallas (@kajakallas) August 31, 2026