Kalon në Kuvend buxheti për 2017’ën

Pas shumë mosmarrëveshjeve në mes të partnerëve të koalicionit qeveritar, është votuar buxheti për vitin e ardhshëm, shkruan Gazeta Metro.

Buxheti për vitin 2017 u votua tek mas arritjes së marrëveshjes për ndryshimet e ligjit që i ka kërkuar PDK’ja. Kjo marrëveshje u arrit pak minuta para mesnatës së ditës së enjte.

Për buxhetin e 2017’ës kanë votuar 77 deputetë. 69 kanë qenë për, 7 kundër, ndërkaq 1 deputet ka abstenuar.

Siç është thënë nga Qeveria, Kosova vitin e ardhshëm do ta ketë buxhetin më të lartë në histori, që mbërrin 2 miliardë euro./gazetametro.net