Loading…

Kanada reagon për torturat ndaj muslimanëve në Kinë: E quan gjenocid

  • 23/02/2021 | 10:33

Kanada reagon për torturat ndaj muslimanëve në Kinë: E quan gjenocid

Parlamenti i Kanadasë ka votuar për të shpallur trajtimin që u bën Pekini ujgurëve si gjonocid, pak orë pasi Kina ka pretenduar se trajtimi i këtij grupi minoritar është “shembull i ndritshëm” i përparimit në fushën e të drejave të njeriut.


Kjo pikë, që përcakton se ujgurët në Kinë “kanë qenë dhe janë subject i gjenocidit”, është miratuar në mënyrë unanime më 22 shkurt.

Parlamenti kanadez ka votuar për të miratuar edhe një amendament që kërkon bartjen e Lojërave Olimpike Dimërore nga Pekini, nëse Kina vazhdon trajtimin e njëjtë ndaj ujgurëve.

Marrëdhëniet në mes të Kinës dhe Kanadasë kanë qenë të tensionuara në vjetët e fundit dhe kjo masë pritet të përshkallëzojë edhe më shumë situatën.

Kryeministri kanadez Justin Trudeau, ka thënë javën e kaluar se ka pasur raportime të rëndësishme për abuzimet që kanë ndodhur në Ksinjiang, ku grupet për të drejta të njeriut besojnë se të paktën 1 milion ujgurë dhe minoritete tjera myslimane janë burgosur nëpër kampe.

Thirrjet për veprime nga Kanadaja forcojnë kërkesat e shteteve tjera perëndimore për të drejtat e njeriut në Kinë.

Shtetet e Bashkuara tashmë e kanë përdorur fjalën gjenocid kur përshkruajnë trajtimin e ujgurëve në Kinë.

Kina ka hedhur poshtë komente të tilla, duke e përshkruar Ksinjiangun si çështje të brendshme.

Pekini pretendon se kampet atje synojnë të ofrojnë trajnim dhe të ndihmojnë në luftim të ekstremizmit islamik./REL/

 

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë