Loading…

Kandidoi për kryetar, kaq vota i mori gjithsej Kika në Pejë

  • 28/10/2021 | 12:25

Kandidoi për kryetar, kaq vota i mori gjithsej Kika në Pejë

Kandidati për kryetar të Komunës së Pejës nga Partia Demokratike e Unitetit, Kreshnik Husaj ka arritur që në zgjedhjet e 17 tetorit të marr vetëm 120 vota ose 0.31% të votave të përgjithshme në këtë komunë.

Husaj i njohur si Kika nuk arriti që të fitojë garën në këtë komunë ku nga gjashtë kandidatë sa ishin në garë ai u rendit i pesti.

Kreshnik Husaj, i njohur si Kika ishte arrestuar para tri vitesh në Tiranë nën dyshimet se u kishte kërkuar favore seksuale të rinjve që dëshironin të shpalleshin mister. Por historia e ‘Kikës’ nuk kishte filluar këtu.

Pesë vite më parë ndaj tij ishte ngritur aktakuzë nga Prokuroria në Pejë për shkak të dyshimeve se kishte detyruar gruan e tij të merrej me prostitucion.

Por pa u marrë ende vendimi final në lidhje me rastin e Kikës dhe ish-bashkëshortes së protagonistit të Big Brother Albania 8, ai dyshohet për një krim tjetër.

Prokuroria Themelore në Pejë, Departamenti i Përgjithshëm, kishte ngritur aktakuzë për prostitucion kundër të pandehurit Kreshnik Husaj, duke e akuzuar se ka detyruar gruan e tij që të kryente prostitucion.

Prokuroria e Pejës, kishte bërë të ditur se përveç Husajt, aktakuzë ishte ngritur edhe ndaj një femre me inicialet A.Z, me akuzën se bashkë kanë detyruar të dëmtuarën të kryej marrëdhënie seksuale në këmbim të parave. Husaj, sipas Prokurorisë ka detyruar V.T, me të cilën ka bashkëjetuar dhe ka një vajzë, që të kryej prostitucion.

Ndryshe, Komisioni Qendror i Zgjedhjeve ka shpallur rezultatet përfundimtare të raundit të parë të zgjedhjeve lokale të 17 tetorit.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë