Katër deputetë të Kuvendit të Kosovës nga radhët e Lidhjes Demokratike të Kosovës, kanë dalë pozitiv në testin për Covid-19.
Burime të Gazetës Express bëjnë të ditur se katër deputetët e LDK’së që kanë rezultuar pozitiv janë: Arben Gashi, Kujtim Shala, Haxhi Avdyli dhe Visar Hoti.
Gjithashtu Express merr vesh se Kujtim Shala është pozitiv me koronavirus tash e pesë ditë. Derisa Visar Hoti dhe Haxhi Avdyli kanë dalë pozitiv sot.
Instituti Kombëtar i Shëndetësisë Publike të Kosovës (IKSHPK), ka njoftuar se sot janë konfirmuar edhe 114 raste të reja me koronavirus në vend.
Numri i të infektuarve me koronavirus ka shkuar në 3.178
Laboratori i Mikrobiologjisë Molekulare në IKSHPK sot ka testuar 304 mostra, prej të cilave 114 kanë rezultuar pozitive.
“Rastet pozitive janë nga: komuna e Ferizajt 35 raste, komuna e Prishtinës 17 raste, komuna e Mitrovicës 9 raste, komuna e Pejës 9 raste, komuna e Vushtrrisë 9 raste, komuna e Prizrenit 8 raste, komuna e Gjakovës 7 raste, komuna e Rahovecit 5 raste, komuna e Gjilanit 4 raste, komuna e Vitisë 3 raste, komuna e Suharekës 2 raste dhe me nga 1 rast komunat: Hani i Elezit, Kaçanik, Kamenicë, Mamushë, Obiliq dhe Skenderaj”, ka njoftuar IKSHPK.
Instituti po ashtu ka bërë të ditur se janë shëruar edhe 117 persona të prekur nga koronavirusi.
Njoftimi i plotë i IKSHPK’së:
https://www.facebook.com/IKSHPK/posts/2873028892825096?__xts__%5B0%5D=68.ARCDoUc85zPCVkAG1i7jgh3_8ZmUBtGZvQH_paeseHv6qFx5TarzMm5UswjicatjotjxBMPgMnChNWWplUDH94rcH8hO8IBYAKGLXt5kXKvqkOt7fNmz_51_M-uSRz6vzqsrns_W-T7kbNWsjP6SS_ZQCU64jeyUurbCs_pYs8dYrr2qBc4Z8vmcFwryC1qAFxrdsWTixV6nBTQvMQpY-nMZxGTKzonxav-LQdS1r5rGpPdU3rDhlt2167yglHwMhnTHGnKeEuBvG3Y0GVBZbF1U7g4bGon_H7m_U5hqIl6gP7bxeBvlVFK5908beGzDR6QFkkHbmKFMVbj0hbi2IA&__tn__=-R