Loading…

Kë po e mbështet Rusia në Maqedoni

  • 02/02/2017 | 18:12

Kë po e mbështet Rusia në Maqedoni

Ministria e Jashtme e Rusisë përmes një komunikate ka komentuar zhvillimet në Maqedoni duke i dhënë mbështetje VMRO-së së Nikolla Gruevskit dhe BDI-së së Ali Ahmetit, ndërsa, ka akuzuar perëndimin për siç thuhet mosrespektimin e vullnetit të qytetarëve që në zgjedhje kanë votuar për këto dy parti politike.


“Manipulimi i turpshëm makiavelist me vullnetin e votuesve po kërcënon shpërthimin në Maqedoni dhe të rrënojë stabilitetin e rajonit të Ballkanit… duket se kemi një ndikim të madh nga jashtë ndaj forcave politike në Maqedoni. Qëllimi është i qartë – riformatimi i autoriteteve edhe përkundër përkrahjes së madhe të votuesve për koalicionin e udhëhequr nga Nikolla Gruevski dhe Bashkimin Demokratik për Integrim nga Ali Ahmeti”, citon Kosovapress deklaratën e Ambasadës së Rusisë në Maqedoni.

Ministria ruse e punëve të jashtme vlerëson se kriza politike në Maqedoni është e thellë dhe se zgjedhjet e 11 dhjetorit, të cilat thonë se janë nxitur artificialisht nuk kanë ndihmuar në qetësimin e situatës.

Lidhur me zhvillimet në vend është prononcuar edhe ambasadorja gjermane e cila ditë më parë ishte në shënjestër të kritikave nga VMRO DPMNE-ja.

“Situata politike në Maqedoni ende është e rëndë, ndërsa vullneti politik është gjithmonë një parakusht për një përparim politik. Në këtë kontekst presim që haptas të gjitha partitë dhe nga presidenti Ivanov që t’i pranojë qëndrimet e të gjitha partive. Ne do të vazhdojmë t’i përkrahim proceset e reformave demokratike në vend”, deklaroi ambasadorja e Gjermanisë, Kristina Althauzer.

Reagimet e VMRO-s ndaj ambasadës gjermane pasuan një deklaratë të saj se mandati për formimin e qeverisë së re duhet t’i jepet LSDM-së, partisë së dytë me më shumë deputet. E pyetur nga partia e Gruevskit nëse ky është sugjerim i ambasadës, nga përfaqësia diplomatike gjermane u përgjigjën kjo është ajo që për momentin e vlerëson Berlini zyrtar.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë