KEDS: I gjithë Drenasi ka energji elektrike

KEDS, ka njoftuar se në të gjitha qendrat e votimit në Drenas ka energji elektrike.

Sipas zyrës për informim të KEDS disa trafo në këtë komunë janë ndalur për shkak të mbingarkesave.

“KEDS njofton se të gjitha vendvotimet në Komunën e Drenasit kanë energji elektrike. Ekipet e KEDS-it janë vazhdimisht në terren dhe duke u përkujdesur maksimalisht që furnizimi të jetë pa ndërprerje. Janë ndalur disa trafo për shkak të mbingarkesave, në mënyrë që të mos afektohet procesi zgjedhor dhe të mos vije deri tek rënia e largpërcuesve”.

Ndërkohë që edhe Aleanca Kosova e Re, ka reaguar ndaj ndaljes së rrymës në këtë komunë në orët e mbrëmjes.