Loading…

Kërcënimi më i madh për demokracinë që nga Lufta e Dytë Botërore është Kina, vlerëson shefi i inteligjencës amerikane

  • 04/12/2020 | 12:30

Kërcënimi më i madh për demokracinë që nga Lufta e Dytë Botërore është Kina, vlerëson shefi i inteligjencës amerikane

Zyrtari i lartë i inteligjencës amerikane John Ratcliffe  tha se Kina paraqet kërcënimin më të madh për demokracinë dhe lirinë në të gjithë botën, që nga Lufta e Dytë Botërore. Kina dhe SHBA kanë marrëdhëniet e tendosura pas konfliktit tregtar fillimisht të cilat u përkeqësuan pas pandemisë së koronavirusit të ri pas zbulimit se Partia Komuniste e Kinës ka keqmenaxhuar dhe fshehur faktet në fillimet e krizës shëndetësore që ka penguar reagimin e duhur ndaj Covid-19, transmeotn Gazeta Metro.


“Inteligjenca është e qartë: Pekini synon të dominojë SHBA-në dhe pjesën tjetër të planetit ekonomikisht, ushtarakisht dhe në teknologji”, tha Drejtori për Inteligjencë Kombëtare i SHBA-së, John Ratcliffe, në një opinion në faqen e internetit të Wall Street Journal.

Ratcliffe, një ish-kongresmen republikan i emëruar nga Trump në krye të spiunazhit të SHBA-së në pranverë, tha se Kina përbën “kërcënimin më të madh për Amerikën sot, dhe kërcënimin më të madh për demokracinë dhe lirinë në të gjithë botën”.

Ai tha se strategjia e Kinës ishte që njësitë kineze të vidhnin pronën intelektuale të kompanive amerikane, ta kopjonin atë dhe më pas të zëvendësonin kompanitë amerikane në tregun global.

Një zëdhënës i ambasadës kineze hodhi poshtë komentet e Ratcliffe si “deformuese të fakteve” dhe hipokrite dhe tha se ato treguan “mendësinë e ngulitur të Luftës së Ftohtë dhe paragjykimet ideologjike të disa njerëzve në SHBA”.

Pekini u ka bërë thirrje shpesh udhëheqësve të SHBA-së që të ndalin retorikën e tyre ndaj Kinës.

Qasja e administratës së presidentit amerikan, Trump ndaj Kinës i ka çuar marrëdhëniet midis dy ekonomive më të mëdha në botë, në pikën e tyre më të ulët në dekada dhe analistët thonë se kjo mund të kufizojë hapësirën e manovrës së administratës së re amerikane të presidentit të zgjedhur, Joe Biden në përballjen me Pekinin.

Në anën tjetër kritikët e demokratëve nuk kanë lëshuar rastin të theksojnë se përafrimi i SHBA’së me Kinën ishte meritë e administratave të kësaj partie, si ajo ish presidentit Clinton dhe ajo e Obama’s. Vet ish presidenti Obama ka deklaruar se administrata e tij ka mundur të bëjë më shumë rreth kësaj çështje.

Biden dhe kabineti i tij i ardhshëm tani më i bërë i ditur, janë kritikuar nga republikanët për lidhje të drejtpërdrejta me interesa të biznesit kinezë në dëm të shtetit amerikan.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë