Loading…

Kërkohet lehtësim për bizneset në kohë pandemie

  • 10/09/2020 | 12:05

Kërkohet lehtësim për bizneset në kohë pandemie

Gjendja e krijuar në vend si pasojë e pandemisë Covid 19, ka rënduar shumë sektorin privat të vendit. Kësisoj, shumë biznese po detyrohen të reduktojnë numrin e punëtorëve brenda kompanive. Punëtorë, këta në të cilët punëdhënësi ka investuar në trajnimin e tyre për t’i aftësuar, specifikisht, për atë vend pune .


Kështu thuhet në një komunikatë të OAK, ku theksohet se nga ana tjetër punëdhënësit nuk mund t’i mbajnë ata punëtorë në kompani më gjatë, për shkak se nuk janë në gjendje të paguajnë për shërbimet e tyre.

“Për t’u treguar tolerant dhe për t’i ndihmuar sado pak këto biznese për kalimin e kësaj gjendje të vështirë me të cilën po ballfaqohemi, gjatë ditës së sotme u diskutua në tryezën e Administratën Tatimore të Kosovës me Odën e Afarizmit të Kosovës”, thuhet në komunikatën e OAK.

Kryetari i OAK-së, Skender Krasniqi kërkoi nga drejtori i përgjithshëm i ATK-së, Ilir Murtezaj, mirëkuptim për bizneset e rregullta.

Ndërsa, Murtezaj theksoi se kanë mbetur në mes të ligjit dhe moralit, e që po rrezikojnë prishjen e sistemit tatimor.

“OAK gjithashtu kërkoj që të mos bëhet mbyllja e kontove dhe kësisoj të mos vijë edhe deri tek mbyllja e bizneseve, pavarasisht, mospagimit të borxheve tatimore gjatë këtyre muajve të fundit. Kjo pasiqë të gjitha bizneset aktualisht, janë duke u ballafaquar me vështirësi të shumëta financiare.Po ashtu, kërkesë tjetër e OAK-së ishte edhe rritja e numërit të inspektorëve të Administratës Tatimore të Kosovës dhe atyre komunal. Kjo me qëllim që të gjitha bizneset të jenë të barabarta dhe të punojnë në bazë të ligjit të punës i cili është në fuqi.Ndërsa, vlenë të theksohet se nga marsi deri në korrik të 2020, kemi një rënie prej 20%, apo rreth 900 milion euro më pak qarkullim të bizneseve, në krahasim me periudhën e njëjtë të vitit 2019, thuhet nga zyrtarë të ATK-së”, thuhet në komunikatë.

Në këtë takim OAK u përfaqësua nga Skënder Krasniqi-kryetar i bordit, Hamdi Malushaj-arkatar i bordit, Qëndresa Ibrahimi- kordinatore dhe Fjolla Smaili- zyrtare për marrëdhënie me publikun.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë