Loading…

Kështu duket Tuna një muaj pas lindjes së Zen

  • 10/06/2021 | 18:03

Kështu duket Tuna një muaj pas lindjes së Zen

Para 1 muaji, Tuna i surprizoi të gjithë, teksa zbuloi se ishte bërë nënë për herë të dytë. Ajo publikoi në Instagram foto të saj nga materniteti, të shkrepura gjatë lindjes së fëmijës. Këngëtarja zbuloi se u bekua sërish me një djalë, që e ka pagëzuar me emrin Zen.


“Luta Zotin të më sjell në jetë një mashkull që do të më dojë gjithmonë. Ai më bekoi me dy djem”, shkroi Tuna në postimin e saj.

Ditën e djeshme vogëlushi i Tunës festoi 1-mujorin e lindjes dhe këngëtarja ndau në rrjete sociale disa foto shumë të ëmbla me dy djemtë e saj.

“Një muaj më parë lindi dashuria e cila nuk pushon së rrituri . Gëzuar muajin e 1-rë të lindjes, Zen”, shkroi Tuna.

Por përveç ëmbëlsisë së vogëlushëve, të gjithë vunë re se Tuna ka forma perfekte trupore edhe pse ka kaluar vetëm 1 muaj nga lindja. Sot ajo ka zbuluar për të gjithë sekretin se si ka arritur të humbasë peshë kaq shpejt dhe t’ju rikthehet linjave të saj.

Këngëtarja ka treguar se ka nisur të marrë mësime për “pole dance” dhe falë kësaj ka arritur format që ka sot.

“Muaji i parë pas lindjes. Aftësitë nuk duken dhe aq keq”, ka shkruar Tuna përkrah videos ku shihet duke kërcyer.

“Pole dance” njihet edhe për humbjen në peshë, sepse si aktivitet ndihmon në humbjen e kalorive dhe në krijimin e muskujve.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë