Loading…

Këta janë zyrtarët që u sanksionuan mbrëmë nga SHBA’të

  • 10/12/2021 | 08:23

Këta janë zyrtarët që u sanksionuan mbrëmë nga SHBA’të

Në Ditën Ndërkombëtare Kundër Korrupsionit, administrata e Presidentit Biden njoftoi të enjten një sërë sanksionesh ndaj 15 zyrtarëve të huaj dhe kompanive për të cilët thotë se janë të përfshirë në korrupsion.


Njoftimi i sanksioneve për persona dhe kompani në Amerikën Qendrore, Afrikë dhe Evropë erdhi ndërsa Presidenti Biden çeli samitin virtual për demokracinë.

Ndër të sanksionuarit janë zyrtarë nga El Salvadori dhe Guatemala, të cilët administrata e Presidentit Biden i akuzon për korrupsion me prokurimin e furnizimeve mjekësore të lidhura me COVID-19.

Martha Carolina Recinos De Bernal, shefja e stafit e presidentit të Salvadorit, akuzohet se është përfshirë në “prokurime të dyshimta” të pajisjeve mjekësore. Një zyrtar guatemalas, Manuel Victor Martinez Olivet, akuzohet për “keqpërdorim, vjedhje dhe abuzim të autoritetit” në lidhje me kontratat.

“Veprimet korruptive ua heqin burimet qytetarëve, dëmtojnë besimin publik, dhe rrezikojnë progresin e atyre që luftojnë për demokraci”, shprehet në një deklaratë Sekretarja amerikane e Thesarit, Janet Yellen.

Sanksione iu vendosën edhe dy kompanive të ndërtimit në Sudanin Jugor, të cilat akuzohen se marrin trajtim preferencial nga zyrtarët.

Sanksione u vendosën gjithashtu edhe ndaj ukrainasit Andriy Portnov, ish-drejtues i administratës së presidencës ukrainase nën ish-Presidentin Viktor Yanukovych. Zoti Portnov akuzohet se ka paguar para për ndikuar mbi sistemin e gjyqësorit në Ukrainë.

Pjesë e sanksioneve janë edhe ish-zyrtarë të Angolës, të cilët akuzohen për vjedhjen e miliarda dollarëve.

Ndërkaq para disa ditësh, SHBA-të vunë sanksione edhe ndaj anëtarëve dhe krerëve të bandave kriminale të veriut të Kosovës.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë