Loading…

Këta pritet të jenë deputet rinj të AAK’së

  • 01/11/2019 | 21:05

Këta pritet të jenë deputet rinj të AAK’së

Koalicioni mes Aleancës për Ardhmërinë e Kosovës dhe Partisë Socialdemokrate, sipas rezultateve paraprake të zgjedhjeve parlamentare të 6 tetorit, ka arritur të sigurojë 14 vende në Kuvendin e Kosovës.


Prej 14 deputetëve të rinj, nga AAK katër do të jenë gra, ndërsa burrat do t’i kenë nëntë vende. PSD’ja ka arritur ta sigurojë vetëm një vend, falë kuotës gjinore.

Tashmë është e qartë se kush do të jenë deputet e rinj të AAK’së, që udhëhiqet nga kryeministri në detyrë, Ramush Haradinaj.

Kreu i AAK’së është kandidati më i votuar i AAK’së, me mbi 72.000 vota. Por, ai ka bërë të ditur se nuk do të bëhet deputetët në legjislaturën e re, duke ia lëshuar vendin dikujt tjetër nga lista e AAK-PSD.

Vëllai i tij, Daut Haradinaj, ka siguruar 22.700 vota, duke dalë i dyti prej më të votuarve, apo i pari, pas vendimit të Ramush Haradinajt për të mos u bërë pjesë e Kuvendit.

Bekë Berisha renditet pas Haradinajve, me 11.388 vota, i ndjekur nga Pal Lekaj me 9.813 vota, Rasim Selmanaj me 7.710, Time Kadrijaj me 7.705, Gazmend Syla me 7.507, Ali Berisha me 7.095, Arbër Tolaj me 6.970, Shkumbin Demaliaj me 6.493 vota dhe Gazmend Abrashi me 6.307 vota.

Që të gjithë këta do të jenë deputetë të rinj të Kuvendit të Kosovës.

Përveç Time Kadrijajt, AAK’në në Kuvend do ta përfaqësojnë edhe Albena Reshitaj, që ka siguruar 5.723 vota, Teuta Haxhiu (5.662 vota) dhe Donika Kadaj-Bujupi (4.492).

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë