Loading…

Këto do të jenë temperaturat në Kosovë gjatë pesë ditëve të ardhshme

  • 01/11/2019 | 20:02

Këto do të jenë temperaturat në Kosovë gjatë pesë ditëve të ardhshme

Në ditët e fundjavës, vendi ynë do të ndodhet ndërmjet fushave të presionit të lartë në lindje të kontinentit, dhe fushave të presionit të ulët që po depërtojnë nga Evropa perëndimore mbi Itali, ndërsa nga Mesdheu masa më të ngrohta ajrore do të sjellin mot më të ngrohtë.


Shërbimi i meteorologjisë parashikon se “në fundjavë do të mbajë mot i ndryshueshëm, më i ngrohtë, e priten mundësi për riga lokale shiu, kryesisht ditën e diel. Javën e ardhshme do të mbajë mot i ndryshueshëm dhe i ngrohtë. Ditën e hënë, vende-vende priten reshje të dobëta shiu, ndërsa ditën e martë kryesisht me diell”.

Pasi që ditëve në vijim pritet të ketë qarkullim të mjaftueshëm ajror, vlerat e cilësisë së ajrit kryesisht do të luhaten rreth vlerave të mira dhe mesatare, thekson PW.

Parashikimi për datat 2-6 nëntor:

2.11 – Vranësira dhe intervale me diell.

3.11 – Kryesisht me vranësira dhe intervale me diell. Mundësi për riga lokale shiu.

4.11 – Mot i ndryshueshëm, me erë, vranësira dhe intervale me diell. Paradite dhe pasdite vende-vende me reshje të dobëta shiu.

5.11-6.11 – Më ngrohtë, të martën kryesisht me diell, e ditën e mërkurë vranësira dhe intervale me diell.

Temperaturat gradualisht do të shënojnë rritje, minimale do të luhaten nga 4C deri në 10C, e maksimalet nga 15C deri 19C.

Do të fryjë erë mesatare dhe e fuqishme nga juglindja 4-14m/s.

Shtypja atmosferike do të zbres përreth vlerave normale, e në fillim të javës do të pësojë rënie të theksuar nën këto vlera.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë