Loading…

Kevin Durant kërkon të largohet nga Brooklyn, e tërë Amerika kthen sytë drej tij

  • 01/07/2022 | 21:31

Kevin Durant kërkon të largohet nga Brooklyn, e tërë Amerika kthen sytë drej tij

Dy herë kampioni i NBA, Kevin Durant, i kërkoi dje zyrtarisht klubit të tij një transfer, pasi që nuk kishte më shpresa se mund të luftonte për titull në Brooklyn, shkruan Gazeta Metro.


Kjo kërkesë ka qenë kryefjala e të gjitha mediave në Amerikë dhe jo vetëm, pasi profili i Durant si “superstar” e çrregulloi komplet ditën e parë të hapjes së afatit të transfereve në NBA.

Pritej që një gjë e tillë të ndodhte, me sezonin dëshpërues që Nets sapo kaluan, duke u eliminuar 4-0 në rundin e parë të play-off kundër Boston Celtics. Tre vite të tmerrshme të Durant dhe Irving në Brooklyn.

Tashmë gjithçka është e koncentruar te Durant. Fansat, mediat dhe, me më së shumti rëndësi, klubet e NBA. Të gjithë janë të interesuar për yllin e Brooklyn.

Sipas gazetarit kryesor të NBA, Adrian Wojnarowski, dy ekipet e preferuara të Durant janë Phoenix Suns dhe Miami Heat, mirëpo Brooklyn do ta transferojë atë vetëm te një ekip që ia plotëson kërkesat.


Më tej ka raportime se nëse Suns kërkojnë Durant’in, Nets do të pranojnë të bëjnë marrëveshje vetëm nësë ylli tjetër, Devin Booker, kalon në Brooklyn.

Edhe Miami do të duhej të lëshonte qendrën e saj, Bam Adebayo, për një marrëveshje të mundshme me Brooklyn Nets.

Ekipe të interesuara për Kevin Durant ka me bollëk, thjesht mbetet të shihet se kush do të jetë në gjendje të bëjë ofertën më të mirë. Një gjë është e sigurt, kjo verë do të jetë tejet interesante, pasi që saga Durant sapo ka filluar./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë