Loading…

Kjo është arsyeja se pse u arrestua sot Ismail Morina ‘Ballisti’

  • 25/05/2022 | 12:55

Kjo është arsyeja se pse u arrestua sot Ismail Morina ‘Ballisti’

Përmes një postimi në Facebook Drejtoria Vendore e Policisë së Kukësit ka konfirmuar arrestimin e Ismail Morinës ‘Ballisti’ për shkak se gjatë verifikimeve ka rezultuar se ai ka qenë person në kërkim nga Drejtoria Vendore e Policisë së Durrësit, transmeton Gazeta Metro.


Gjatë ditës së sotme në një postim në profilin zyrtar të Ismail Morinës u njoftua se ai në ora 9:30 është arrestuar në qytetin e Kukësit, ndërsa lajmin e ka konfirmuar edhe vetë Policia.

Në njoftimin e thuhet se për 40-vjeçarin Gjykata e Rrethit Gjyqësor të Durrësit ka vendosur revokimin e vendimit penal të Gjykatës së Rrethit Gjyqësor të Tiranës, për lirimin e tij me kusht dhe ka caktuar vuajtjen e pjesës së mbetur të dënimit, 5 muaj e 12 ditë burgim, për veprën penale ‘Prodhimi dhe mbajtja pa leje e armëve luftarake dhe municioneve’.

Ndërsa në fund shtohet se procedurat e mëtutjeshme për Ismail Morinën do të kryhen nga Drejtoria Vendore e Policisë së Durrësit. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë