Loading…

Kjo është dëshmia e gazetarit që po përballet me Prokurorinë në Hagë për dokumentet e Speciales

  • 26/10/2021 | 16:16

Kjo është dëshmia e gazetarit që po përballet me Prokurorinë në Hagë për dokumentet e Speciales

Zyra e Prokurorit të Specializuar në Hagë po e përdor gazetarin kosovar, Halil Berisha për të kërkuar dënimin e krerëve të OVL-së së UÇK-së, Hysni Gucati e Nasim Haradinaj. Berisha është detyruar nga Specialja të paraqitet në seancën e sotme gjyqësore për të treguar se si dhe kush ia kishte ofruar dokuemntet konfidenciale që i rodhën kësaj gjykate.

Berisha fillimisht u pyet për njërën nga konferencat ku Gucati dhe Haradinaj i thirrnin për të treguar se në zyret e OVL-së ishin dërguar dokumente të Speciales.

“Kur konferenca për shtyp u shpall e mbyllur, gazetarët janë afruar dhe kanë nisur t’i fotografojnë ose xhirojnë dokumentet, për shkak të pamjeve që u janë nevojitur”, tha Berisha, duke përshkruar kështu përfundimin e njërës prej konferencave.

Ai pranoi se kishte kërkuar një pjesë të atyre dokuemnteve.

“Numri i dokumenteve ishte goxha i madh dhe nuk kishte mundësi që.. nuk e dishim edhe saktë se çfarë kishte në to. Nuk kishte pasur mundësi të xhirohen krejt dhe kështu e kam kërkuar një pjesë të dokumenteve.. Isha aty afër bashkë me të gjithë gazetarët dhe aty veç kam pyetur se a mund t’i marr një pjesë të dokumenteve. Mendoj që diku rreth 1 mijë faqe ndoshta”, tha gazetari Berisha.

Tha se kishte kërkuar një qese apo diçka për t’i futur dokumentet, ndërsa thotë se Nasim Haradinaj i kishte thënë që t’i shpërndajë ato “nëse dokumentet i kërkon”.

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë