Loading…

Kjo është ‘lutja’ e Rusisë që i bëri KFOR’it për veriun

  • 28/09/2021 | 14:41

Kjo është ‘lutja’ e Rusisë që i bëri KFOR’it për veriun

Moska zyrtare ka reaguar lidhur me ngjarjet në veri të Republikës së Kosovës, duke i bërë një kërkesë KFOR’it, që të tërheqë forcat nga Jarinja dhe Bërnjaku për të parandaluar, sipas tyre, përshkallëzimin e situatës.


Ministria e Jashtme ruse i ka bërë thirrje NATO -s dhe Bashkimit Evropian që t’i kërkojnë Qeverisë së Albin Kurtit të tërheqë forcat nga Jarinja dhe Bërnjaku për të parandaluar, sipas tyre, përshkallëzimin e situatës.

“Rusia është e shqetësuar për situatën në Kosovë, ngjarjet po zhvillohen sipas një skenari nga e keqja në më të keqen”, ka deklaruar zëdhënësja e Ministrisë së Jashtme ruse Maria Zakharova.

“Ne jemi të shqetësuar pasi shohim tensione në rritje në Kosovë, të cilat u shkaktuan nga veprimet e papërgjegjshme të autoriteteve shqiptare të Kosovës … Sot është e qartë se situata po degradon nga e keqja në edhe më keq …

Më 20 shtator, serbët që banojnë në veri të Kosovës organizuan bllokada përgjatë dy vijave kufitare, kundër vendimit të Qeverisë Kurti për reciprocitetin e targave.

Kujtojmë se KFOR-i ka njoftuar se ka marrë hapa të mëtutjeshëm në terren, duke i shtuar patrullimet përgjatë rrugëve kryesore të prekura nga bllokimet e protestuesve serbë dhe ka vendosur njësitet e veta edhe në pikat kufitare në Jarinjë e Bërnjak, në përputhje me mandatin që ka.

Komandanti i KFOR-it, gjeneral-majori, Franco Federici, ka njoftuar se masat e marra, që janë biseduar paraprakisht me institucionet e Kosovës dhe kryetarët e komunave veriore, kanë qëllim shtensionimin e shpejt të situatës.

“KFOR-i ka marrë hapa të mëtutjeshëm në terren, duke shtuar patrullimet përgjatë rrugëve kryesore të prekura nga bllokimet dhe duke vendosur njësitë e veta edhe në pikat e kalimit kufitar në Jarinjë e Bërnjak, në përputhje me mandatin e tij, që vjen nga Rezoluta 1244 e Këshillit të Sigurimit të OKB-së e vitit 1999. KFOR-i gjithashtu ka zhvilluar bisedime, me të gjitha palët e përfshira, për ndërprerjen e protestave në veri të Kosovës. Masat e marra, më herët të diskutuara nga Komandanti i KFOR-it me të gjitha institucionet e Kosovës dhe me kryetarët e komunave veriore, kanë për qëllim favorizimin e një deeskalimi të shpejtë të tensioneve të krijuara javën e fundit dhe rikthimin e një mjedisi të siguirtë dhe lirinë e lëvizjes për të gjitha komunitetet në Kosovë”, ka deklaruar Federici.

KFOR-i përgjatë ditës ka bërë të ditur se e ka rritur numrin dhe kohëzgjatjen e patrullimeve rutinore në veri të Kosovës.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë