Loading…

Klopp nuk e harron barazimin me Fulham: Ishte si një humbje, kështu u ndjemë kur u larguam nga stadiumi

  • 12/08/2022 | 11:21

Klopp nuk e harron barazimin me Fulham: Ishte si një humbje, kështu u ndjemë kur u larguam nga stadiumi

Trajneri i Liverpool, Jurgen Klopp, në konferencën për shtyp para ndeshjes kundër Crystal Palace ka folur edhe për barazimin ndaj Fulham javën e kaluar. Sipas tij kur ishin larguar nga stadiumi atë ditë ishin ndjerë që po largohen të mposhtur, transmeton Gazeta Metro.


Liverpool nuk arriti më shumë se një barazim me rezultat 2-2 në javën e parë të Premier League kundër Fulham. ‘The Reds’ gjithashtu panë veten dy herë në disavantazh dhe nuk është se treguan paraqitje të mirë.

I mërzitur nga dy pikët e humbura është shprehur përsëri gjermani, Jurgen Klopp, të cilit siç duket i ka mbetur në kokë ky rezultat.

”Mund të jetë një shenjë paralajmëruese, me siguri. U ndje si një humbje dhe kështu u ndjemë kur u larguam nga stadiumi. Por ne morëm një pikë dhe ky është lajmi i mirë. Tani do të provojmë përsëri,” tha ai.

Klopp ndër të tjerash foli edhe rreth partneritetit mes Mohamed Salah dhe Darwin Nunez. 55-vjeçari thotë se reparti i sulmit nuk kishte qenë problem javën e kaluar, derisa shprehet i lumtur me formën e dy sulmuesve.

”Është një partneritet i lezetshëm, padyshim. Ata të dy janë të vendosur për të shënuar dhe për të qenë në momentet vendimtare. Mo është në një moment vërtet të mirë. Darwin është duke u komponuar. Ky repart nuk ishte problemi ynë javën e kaluar,” tha ai.

Liverpool do të takohet të hënën me fillim nga ora 21:00 me Crystal Palace në kuadër të xhiros së dytë të Premier League. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë