Loading…

Koalicioni LVV-LDK: Sot takohen grupet punuese të dy partive

  • 18/10/2019 | 08:02

Koalicioni LVV-LDK: Sot takohen grupet punuese të dy partive

Sot do të takohen grupet punese të Vetëvendosjes dhe Lidhjes Demokratike të Kosovës, shkruan Gazeta Metro.


Pas takimit ditë më parë, të dy kandidatëve për kryeministër, Albin Kurtit nga LVV dhe Vjosa Osmanit nga LDK, sot pritet që për herë të parë të takohen grupet punuese të dy subjekteve për të harmonizuar programin që mund të çojë drejt një marrëveshje paszgjedhore.

Takimin mes dy grupeve e ka konfirmuar për Telegrafin, zëdhënësi i Vetëvendosjes, Arlind Manxhuka. Manxhuka ka thënë se grupet punuese të dy partive do të takohen sot për të vazhduar bisedimet.

Grupi Punues i Vetëvendosjes përbëhet nga Besnik Bisilimi dhe Glauk Konjufca , ndërsa LDK-në në këto negociata e përfaqësojnë tre anëtarët e kryesisë, Kujtim Shala, Lumir Abdixhiku dhe Avdullah Hoti.

Kujtojmë se para disa ditësh, kryetari i Vetëvendosjes, Albin Kurti ka theksuar se me Lidhjen Demokratike të Kosovës nuk do të diskutohet për postin e kryeministrit.

Ai para mediave ka shtuar se në qeverisje me LDK-në do të ketë përfshirje të grave 30 për qind.

Sipas rezultateve preliminare të KQZ-së, partia e parë është Vetëvendosje me 25.50 %, pas saj radhitet Lidhja Demokratike e Kosovës me 24.83 %, kurse Partia Demokratike e Kosovës radhitet e treta me 21.25%

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë