Loading…
Kocijançiq: Djegia e mandatave të deputetëve kundër reformave që kërkon BE’ja
  • 19/02/2019 | 08:20

Kocijançiq: Djegia e mandatave të deputetëve kundër reformave që kërkon BE’ja

“Thirrjet e disa anëtarëve të partive opozitare për të bojkotuar parlamentin dhe për deputetët që të heqin dorë nga mandati i tyre aktual janë kundërproduktive dhe shkojnë kundër përpjekjeve të vendit për të zbatuar reformat e kërkuara nga BE-ja”.

Kështu ka thënë Maja Kocijançiq, zëdhënëse e Përfaqësueses së Lartë për Politikë të Jashtme dhe Siguri të BE-së, Federica Mogherini, në një përgjigje për ATSH.

Në përgjigjen e saj, Kocijançiq ka thënë se e drejta e qytetarëve për të marrë pjesë në demonstrate është një tipar thelbësor dhe një vlerë thelbësore e çdo demokracie të pjekur dhe duhet të garantohet.

“Sidoqoftë, përdorimi i dhunës dhe dëmtimi i pronës publike, ashtu siç u pa të shtunën e kaluar në qendër të Tiranës, nuk janë të pranueshme. Parlamenti është baza e çdo demokracie europiane – është një vend ku debatet për reformat dhe zhvillimet përkatëse duhet të diskutohen dhe të çohen përpara, e jo të bojkotohen”, ka thënë Kocijançiq.

Ajo ka thënë se BE-ja pret nga qeveria dhe opozita që të angazhohen në diskutime konstruktive me qëllim të kapërcejnë situatën aktuale politike.

Më të fundit
...
  • 18/03/2019 | 23:56
...
  • 18/03/2019 | 23:48
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë