Kompania amerikane prodhon mermerin ilir në Kosovë

Kompania amerikane Fox Marble Holdings ka njoftuar se e ka përpunuar bllokun e parë të mermerit të bardh ilir në Kosovë.

Fabrika e re e cila ndodhet në territor të Rahovecit, në një zonë malore në kufi me Malishevën, është e pajisur me makineri italiane dhe do të ketë kapacitet të prodhimit deri në 400.000 metra katrorë në vit të pllakave të prera dhe të lëmuara, raporton gazetametro.net.

Kjo fabrikë aktualisht ka dy makina për prerjen dhe shkurtimin e blloqeve të mësha deri në 24 ton (zakonisht masa e tyre është në mes të 12 dhe 20 ton) dhe që prehen më pas në pllaka (zakonisht 2-3 cm trashësi). Këto pllaka pas prerjes munden pastaj edhe të përpunohen, për të prodhuar një produkt përfundimtarë pra, mermer të lëmuar.

“Hapja e fabrikës dhe fillimi i përpunimit të mermerit është një arritje e madhe në rrugën Fox Marble” ka thën Gilbert, përfaqësues i kompanisë amerikane.

Hapja e kësaj fabrike është veçanërisht e rëndësishme për tregun e brendshëm të Ballkanit, ku konsumatorët kanë paguar tashmë depozita dhe kanë nënshkruar kontrata për furnizim pasi sezoni i ndërtimit fillon përsëri në vitin 2017. /gazetametro.net