Kompania e betonit Gitor e vetmja nga Kosova që përmbushi kushtet për Portin e Thatë të Durrësit

Fabrika e betonit Gitor, ka dalë e vetmja kompani nga Kosova që ka përmbushur kriteret strikte të cilësisë për ndërtimin e Portit të Thatë të Durrësit, transmeton Gazeta Metro.

Ky përfundim ka ardhur pas analizimit të 44 mostrave të marra në të gjithë territorin e Kosovës.

“Standardi i lartë i ndërtimit kërkon materiale të çertifikuara dhe të testuara në kushte ekstreme. Jemi krenarë që betoni ynë ka përmbushur çdo kriter teknik”, thonë nga kompania shkruan Albanian Post.

Kompania pritet të marrë rol në furnizimin me beton për fazat kryesore të ndërtimit të Portit të Thatë të Durrësit, investim që synon rritjen e kapacitetit logjistik në korridorin mes dy shteteve.