Kompania e njohur Amerikane BUFF promovon turizmin në Shqipëri (FOTO)
-
16/11/2016 | 12:27
Më shumë se 20 vjet më parë, kompania amerikane BUFF shpiku produktin origjinal të kapelave dhe shalleve multifunksional. Kjo bëri që kompania të njihet botërisht sidomos tek atletët dhe entuziastë në natyrë.
Fotografia e shkrepur në majën e Ujezës në Shqipëri nga Nëntor Oseku nga Gjakova, i pasionuar pas natyrës dhe fotografisë, është shpërndarë nga Kompania BUFF në mediat sociale në Facebook dhe Instagram.
Kompania menjëherë e kontakti Nëntorin duke i kërkuar autorizimin e tij që ta përdorë foton e tij si imazh ne median social Instagram, për të promovuar turizmin malor në Shqipëri dhe brendin e saj po ashtu.
Ecja ne Majën e Ujezës ka zgjatur 7 ore duke u nisur nga Kosharja ( Gjakove ) dhe duke kaluar kufirin në këmbë deri në pjesën e Tropojës në majën Ujeza në Shqipëri.
Ekspedita u organizua nga Shoqëria Bjeshkatare Alpiniste “Pashtriku” në Gjakovë.
