Komuna nis mbledhjen me një minutë heshtje për Astrit Deharin

Mbledhja e shtatë e Kuvendit Komunal të Prishtinës ka nisur me një minutë heshtje për vdekjen e aktivistit Astrit Deharit, i cili vdiq në burgun e Prizrenit.

Për gazetametro.net, Adonis Tahiri nga zyra për informim e komunës së Prishtinës thotë se kërkesën për një minutë heshtje ka ardhë nga grupi i asambleistëve të Vetëvendosjes.

“Astriti përveç që njihej si aktivist i denjë i Vetëvendosjes dhe student i dalluar i mjekësisë, ai ishte një nga shtyllat kryesore të Drejtorisë së Shëndetësisë në Komunë, dhe nga më meritorët për rregullimin e Qendrave të Mjekësisë Familjare në Prishtinë”, tha Tahiri për gazetametro.net./gazetametro.net