Loading…

‘Komunat rrezikojnë të mbesin pa buxhet’: AKK i kërkon Muratit të lëshojë qarkoren e dytë buxhetore urgjentisht

  • 08/08/2022 | 18:23

‘Komunat rrezikojnë të mbesin pa buxhet’: AKK i kërkon Muratit të lëshojë qarkoren e dytë buxhetore urgjentisht

Bordi i Asociacionit të Komunave të Kosovës ka kërkuar urgjentisht nga Ministria e Financave dhe Tranfereve që të lëshojë Qarkoren e dytë Buxhetore.


Lëshimi i kësaj Qarkore iu mundëson Komunave të Republikës së Kosovës që të fillojnë procesin final të planifikimit buxhetor.

AKK konsideron se si proces është shumë i vonuar dhe i rrezikon komunat që mos të kenë mundësi teknike që ta dorëzojnë buxhetin me kohë pranë Kuvendeve të Komunave, me saktësisht me datën 1 shtator që është obligim ligjor që buxheti t’i dorëzohet Kuvendit të Komunës.

Sipas AKK-së, pa Qarkoren e Dytë Buxhetore, Komunat nuk i dinë as kufijtë përfundimtar buxhetor si organizata buxhetore dhe kjo pamundëson direkt dorëzimin e Buxhetin në Kuvendin e Komunës.

Po ashtu, mos dorëzimi i buxhetit me datën 1 shtator i kushton komunave me humbje të pikëve në Raportin e Performancës dhe si i tillë i penalizon komunat nga përfitimet financiare nga Granti i Performancës.

Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë