Loading…

Konfirmohet nga Gjykata: Është liruar nga paraburgimi i dyshuari për sulmin seksual ndaj alpinistes në Pejë

  • 29/11/2022 | 19:37

Konfirmohet nga Gjykata: Është liruar nga paraburgimi i dyshuari për sulmin seksual ndaj alpinistes në Pejë

I pandehuri F.B, i cili dyshohet për sulm seksual ndaj alpinistes Mrika Nikqi, është liruar nga masa e paraburgimit.


Lajmin e ka konfirmuar zëdhënësja e Gjykatës Themelore në Pejë, Tringa Zhuti, e cila njoftoi se ndaj të pandehurit është ngritur aktakuzë.

“Sipas vendimit të fundit të gjyqtarit të procedurës paraprake, i pandehuri ka qenë në paraburgim deri sot. Me rastin e ngritjes së aktakuzës, Prokuroria nuk ka propozuar vazhdimin e paraburgimit. Andaj, i njëjti është lëshuar që të mbrohet në liri”, tha Zhuti, për “Betimi për Drejtësi”.

Ndryshe, më 30 shtator 2022 Prokuroria Themelore në Pejë kishte njoftuar se në bashkëpunim me Policinë e Kosovës, ka identifikuar dhe arrestuar F.B.

Po ashtu edhe Policia e Kosovës e kishte konfirmuar këtë rast përmes raportit 24-orësh.

“Pejë 27.09.2022 – 19:40. Raportohet se viktima femer kosovare derisa ishte duke ecur nëpër një rrugicë, nga një person mashkull i pa njohur për viktimën, është ngacmuar seksualisht pa dëshirën e saj. Në konsultim me prokurorin rasti është inicuar si me lartë. Rasti është duke u hetuar”, thuhej në raportin e Policisë,

Kurse, më 1 tetor 2022, Gjykata Themelore në Pejë ia kishte caktuar masën e paraburgimit në kohëzgjatje prej një muaji, të dyshuarit F.B. E njëjta gjykatë më 3i tetor ia vazhduar edhe për 30 ditë të tjera masën e paraburgimit, të dyshuarit F.B për sulmin seksual ndaj alpinistes Mrika Nikqi.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë