Korrespodenti i ‘Bloomberg’ për energji thotë se kriza e vërtetë e rrymës është në Ballkan, përmend edhe Kosovën

Korrespodenti kryesor i Bloomberg për Energji, Javier Blas ka thënë se kriza kryesore për energji është në Ballkan.

Ai në një postim në Twitter ka thënë se përderisa Evropa Perëndimore shqetësohet, kriza e vërtetë është në lindja, konkretisht Ballkani.

Madje në lidhje me këtë, ai përmend edhe mbylljen e Ferronikelit.

“Puna e Energjisë Evropiane: Ndërsa Evropa Perëndimore shqetësohet, kriza e vërtetë është lindja, veçanërisht në Ballkan. Në Kosovë, për shembull, eksportuesi më i madh i vendit (Ferronikeli) ka mbyllur të gjitha. Në Shqipëri, qeveria ka shpallur gjendjen e jashtëzakonshme”, ka shkruar Blas.

Ai po ashtu ka përmendur edhe ndalimin e eksporteve të energjisë elektrike nga Serbia për të mbajtur çmimet e brendshme më stabile

“Dhe qeveria shqiptare pritet të njoftojë një sërë masash emergjente energjetike të Shtunën. Në fillim të kësaj jave, në Serbi, qeveria paralajmëroi se mund të ndalojë eksportet e energjisë elektrike këtë dimër për të mbajtur çmimet e brendshme të energjisë më të ulëta”, tha ai.

Ndryshe, nga qeveria e Kosovës kanë thënë mbrëmë se kriza energjetike mund ta prek edhe Kosovën dhe se qytetarët duhet të jenë të përgatitur për këtë.

EUROPEAN ENERGY CRUNCH: While Western Europe worries, the real crisis is the east, particularly in the Balkans. In Kosovo, for example, the country’s largest exporter (Ferronikeli) has shutdown all production sine die. In Albania, the gov has declared a state of emergency 1/2

— Javier Blas (@JavierBlas) October 9, 2021