Loading…

Kosova bëhet gati t’i kthejë edhe rreth 100 persona tjerë të mbetur në Siri

  • 05/11/2019 | 17:47

Kosova bëhet gati t’i kthejë edhe rreth 100 persona tjerë të mbetur në Siri

Qeveria e Kosovës është duke bërë përgatitjet e fundit për t’i kthyer në Kosovë rreth 100 kosovarë të tjerë të cilët gjenden në Siri, tha ministri i Punëve të Brendshme, Ekrem Mustafa ,transmeton Gazeta Metro.


Ministri  i Punëve të Brendshëm në detyrë, Ekrem Mustafa, sqaroi se nuk mund të jap shumë detaje, por aktualisht po zhvillohen bisedime me Turqinë rreth kthimit të këtyre personave. Në muajin prill të këtij viti, institucionet në Kosovë kthyen 110 kosovarë, mes të cilëve kishte katër luftëtarë që ishin pjesë e organizatave terroriste në Siri, 32 gra dhe 74 fëmijë, ka thënë për ‘Radion Evropa e Lirë’, Ministri Mustafa.

Mustafa tha se institucionet kanë informacione për personat që gjendën në Siri dhe që pritet të kthehen në Kosovë. Sipas tij, në këtë grup ka më shumë luftëtarë , në dallim kjo nga operacioni I realizuar në muajin prill.

“Në kontingjentin e dytë ka më shumë persona që kanë marrë pjesë në luftë, por sigurisht ka edhe të tjerë fëmijë dhe gra”, ka shtuar ai.

Kthimi I kontingjentit të parë në muajin prill u bë përmes ndihmës së ofruar nga Shtetet e Bashkuara të Amerikës. Në partneritet me SHBA-në, autoritetet e Kosovës po e planifikojnë edhe operacionin e ri, por për afatet kohore dhe mënyrën e zhvillimit të tij, Mustafa refuzoi të jepte më shumë informata. Nga fillimi i konfliktit në Siri në vitin 2012, drejt Sirisë dhe Irakut udhëtuan rreth 400 kosovarë duke përfshirë burra, gra dhe fëmijë./rel/gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë