Kosova bëhet zyrtarisht me kodin +383,Tahiri e quan historik

Kosova edhe zyrtarisht ka hyrë sot në listën zyrtare të shteteve dhe rajoneve gjeografike që kanë kode telefonike. Kjo është evidentuar edhe në buletinin e Unionit ndërkombëtarë të telekomunikimeve (ITU).

Një konfirmim e ka bërë edhe ministrja për Dialog, Edita Tahiri, e cila ka njoftuar përmes profilit të saj në Facebook, duke e vlerësuar si historik për subjektivitetin ndërkombëtar të Kosovës.

“Po ashtu ju bëjmë me dije opinionin se ITU në pajtim me marrëveshjen e telekomit ka publikuar kodin telefonik për Kosovën. Ky lajm përbën një të arritur historike për fushën e telekomit dhe fuqizon subjektivitetin ndërkombëtar të shtetit të Kosovës.”, ka shkuar Tahiri në rrjetin social Facebook, shkruan gazetametro.net

Ministrja Tahiri dhe grupi punues: Kreshnik Gashi, koordinator profesional për telekomin dhe kryetar i bordit të ARKEP, Gazmir Raci, koordinator politik për telekomin dhe këshilltar i ministres Tahiri, Ilir Imeri, drejtor i departamentit për menaxhimin e frekuencave në ARKEP, Rexhë Gjonbalaj, kryetar i bordit të Telekomit të Kosovës, Mehdi Latifaj, drejt teknik i Telekomit të Kosovës dhe Zana Bejta nga IPKO, kanë uruar të gjithë qytetarët e Kosovës për këtë të arritur.

Ajo ka njoftuar poashtu se gjatë ditës do të ketë konferencë për media në lidhje me këtë çështje./gazetametro.net

Ky buletin që njofton për dhënjen e kodit, është i njëjtë me tekstin e marrëveshjes që ishte arritur ndërmjet delegacioneve të Kosovës dhe Serbisë në Bruksel.