Loading…

Kosova drejt humbjes së 2.4 milionë eurove të IPA’s, për shkak të Qeverisë Haradinaj

  • 07/02/2020 | 08:24

Kosova drejt humbjes së 2.4 milionë eurove të IPA’s, për shkak të Qeverisë Haradinaj

Fonde nga IPA’s është kushtëzuar nga BE’ja dhe janë të ndërlidhura me marrëveshjen financiare mes BE’së e Kosovës, afati i nënshkrimit të koncept dokumentit për reformat e pajtuara në administratën publike do të kishin efekt afatgjatë me të hyra buxhetore qindra milionëshe.


Në sirtarët e Qeverisë është duke pritur një draft-dokument i cili, nëse nuk miratohet shpejt, në një afat të shkurtër do t’ia humbë Kosovës 2.4 milionë euro të fondeve të IPA-s, e në atë afatgjatë qindra milionë të hyra buxhetore. Pa ndonjë arsye, Qeveria e Ramush Haradinajt nuk e ka votuar atë gjatë 2019-s.

Është ky Koncept-dokumenti për lehtësimin e barrës administrative. Me të kërkohet të listohen ndryshime në një numër ligjesh, e nëpërmjet të cilave bizneset dhe qytetarët do të çliroheshin nga një varg procedurash burokratike që aplikohen me rastin e kërkimit të lëshimit të certifikatave, lejeve dhe licencave nga administrata publike. Procedurat e tashme Bashkimi Evropian (BE) i ka parë si barrë administrative. Prandaj ka kushtëzuar një asistencë financiare me miratimin e Koncept-dokumentit, shkruan sot “Koha Ditore”.

Zyra e BE-së në Kosovë e ka paralajmëruar këtë në një përgjigje dhënë gazetës.

“Miratimi i Koncept-dokumentit për zvogëlimin e barrës administrative nga Qeveria është një nga objektivat të cilat ishin planifikuar të arriheshin para fundit të dhjetorit 2019”, thuhet në përgjigjen e Zyrës së BE-së. “Nëse në kohën e vlerësimit objektiva nuk është arritur, me siguri kjo do të thotë se fondet e ndërlidhura me objektiven nuk do të ndahen”.

Sipas Zyrës së BE’së Koncept-Dokumenti do të shikojë se si aktivitetet e propozuara do të kenë ndikim në fusha të ndryshme të ekonomisë dhe të sektorit publik.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë