Loading…

‘Kosova është foshnje e BE‘së dhe e SHBA‘së’, Mandl: Ne duhet të kujdesemi për të

  • 28/01/2023 | 08:11

‘Kosova është foshnje e BE‘së dhe e SHBA‘së’, Mandl: Ne duhet të kujdesemi për të

Eurodeputeti austriak, Lukas Mandl është nderuar me çmimin “Doctor Honoris Causa” nga Universiteti Publik “Kadri Zeka” në Gjilan. Titullin ia ka dorëzuar rektori i këtij universiteti, Bajram Kosumi.


Ky çmim iu nda me motivacionin për kontribut të rëndësishëm në avokimin e kauzës së Kosovës në Parlamentin Evropian, në Këshillin e Evropës dhe në Bashkimin Evropian, në përgjithësi dhe mbështetjen e pakursyer për njohjen ndërkombëtare Kosovës.

Mandl i nderuar me çmimin, ka rikujtuar fjalët e një miku të tij për Kosovën.

“Para disa vitesh, një koleg nga Bullgaria, duke qëndruar bashkë me të para një hoteli në Prishtinë, po shihnim në mbrëmje qiellin”, nisi rrëfimin Mandl.

“Tani po citoj atë kur më tha se Kosova është foshnje e BE-së dhe e SHBA-së dhe rrjedhimisht ne duhet të kujdesemi për foshnjën tonë”, ka shtuar ai.

Mandl tha se e e di çfarë ka dashur që ai të thotë dhe se kjo është më së e vërtetë edhe në ditët e sotme.

Kontributi i Lukas Mandl në proceset shtetformuese të Republikës së Kosovës, avokimi i kauzës së Kosovës në Parlamentin Evropian, në Këshillin e Evropës dhe në Bashkimin Evropian, në përgjithësi, mbështetja e pakursyer për njohjen ndërkombëtare të Republikës së Kosovës u vlerësua edhe nga Ministria e Arsimit dhe të tjerë që ishin të pranishëm në ceremoni.

 

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë